يا شاعري عن مطلبي للبشر قل .. صيته تبي معطف هنادي ويارا

08-09-2010, 04:55 AM

يا شاعري عن مطلبي للبشر قل .. صيته تبي معطف هنادي ويارا

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 686x600 الابعاد 66KB.

هذا شايب ( يصرخ ) مجاعة ..!!

والكل يتجاهل ( بذكاء ) وبراعة

في الزمن هذا .. الكل نفسي نفسي ..

وكل واحد يتحمل صراعه

ليه الولد بالحر .. يلبس ثوب صوف ..!!؟

أكيد من قسوة الدنيا والظروف

بالأول خلوه يلقى شي ياكل ..

ويبل الريق النشوف

ي الله يا ما اقساها دموعه

كله سبب فقره وجوعه

هذا الزمن يا صحيبي

الناس صارت قطوعه

...

أنا أسمي متعب الـعتيبي

عمري 25 سنه ..

كيف حيـــاتي بالعـــيد ..!!؟

إذا أعلنوا إن بكرا العيد ..

أول شي اسويه .. إتجه الى محل ( فيديو الخيال )

صح انه صغير وقديم وبايخ ( لكني معاملة وانا صغير )

اخذ من عنده أربع إفلام .. واحطها في غرفتي ..

ثم اروح ادّور لي ثوب قديم ولا أبيــه .. وأخليــه على ( باب الدولاب )

ثم أروح أقيـــس وزني .. ( من باب الحيطه ) ..

لأني من الناس اللي انحف بسرعه في رمضان ..

ثم أروح للعربية للعود .. وأشتري لي كمبودي .. وأخليــّه في مخباي .. إلى صلاة الفجر ..

يمكن الكل يقول في نفسه .. وش دخّل كل هذا في العيــد ..!!؟

عادي أنا اقولكم ..

أنا أول ما أصلي الفجر ..
أروح للمقبرة عشان أســّلم على أمي ( وعشان كذا شريت الكمبودي )..

ولازم أتطيـّب بالعود .. وأطيّبها بعد .. لأنه عودها المفضل ..

ثم أروح البس ثوبي القديـــم ..

لأني بذبح الذبيحه في البــيت ..

عشان اخذ لحمها واوزعه على صديقات أمي ..

ثم أروح للمسشفى أتبرع بالدم ( عشان كذا قايست وزني ) ..

أشوف هل مناسب اتبرع أو لا .. لأني في مثل هذا اليوم .. كنت محتاج أحد يتبرع لأمي بالدم ..

بعدين أرجع البيت .. إلا انا منهك وتعبان وأدوّر النوم ..

بعد ما أصحى .. أشغــّل الأفلام .. وأتابعها .. لين الساعة 11 او 12 بالليل ..

وبكذا .. يكون العيد بالنسبة لي إنتهى ..

أدق سلف .. وأطلع للبحرين أو للإمارات .. أتابع سينما ولا اشوف إحتفالات .. أو اي شي ..

المهم ..

إني ما أقابل أحد من جماعتي الا بعد رابع او خامس العيد ..

كل اللي أعرفهم .. ويعرفون نظامي هذا ..

يقولون أنت شخص ( موسوس ) ..

يمكن إنهم صادقين .. لكن انا ( كنت ) موسوس .. وأنا صغير ...

وهذي بأسباب الحالة الإجتماعية اللي كنت عايشها ...

لأن ابوي كان عسكري على قد حاله ..

راتبه يروح بالإيجار وأقساط السيارة ومقاضي البيت ..

ولا يكفي الى ملابس العيد ..

كان يعطي امي وخواتي المقسوم ..

أما أنا .. كان يقول لي خلك رجال .. ( ثم يقول لي كلمته المعتاده )

شف ثوبي له خمس سنين .. مافي احسن منه واللي يشوفه يقول هذا جديد ..

أنا بالنسبة لي ..

ماتفرق والله .. لأني كنت صغير .. ثوب وشماغ ونعال واطياب .. ما كانت اكبر اهتماماتي ..

اللي كان شاغلني ..

وش أقول للعيال بكره .. اذا قابلتهم .. ليه ماشريت ملابس جديده للعيد ..!!؟

إذا شفتهم وكل واحد فرحان بالعيد .. أنا ليــش أفرح ..!؟

أول كذبه ( كذبتها على ما أعتقد ) .. كانت في أيام العيد ..

ذاك اليوم .. كان كل شي ممكن يترقع ..

الثوب يمكن ينغسل ويصير جديد ( على قولة ابوي )

الشماغ مو لازم البس .. ( توني صغير ) ..

لكن النعال ( يعزكم الله) مقطوعه .. وش أسوي وكيف تترقع ..!!؟

فلمّا سألوني ليه ماشريت ..!!؟

قلت أن ابوي أعطاني الفلوس .. لكن أنا قررّت إني اجمعها .. عشان اشتري كمبيوتر ( سيقا ) .. على عزه ..

فاللي لفت انتباهي ..

إن اكثرهم ندم وتحسف انه اشترى ملابس ..

ومتعب لا .. راح يشتري كمبيوتر ..

وصرت حديث العيال في ذاك اليوم ..

متعب راح يشتري .. متعب راح يشتري .. متعب مجمّع فلوس .. متعب مجمّع فلوس ..

والعيال كلهم كانوا ينتظرون ينتهي العيد .. وتفتح المحلات ..عشان متعب يشتري ( سيقا )

وعدّا أول اسبوع وثاني اسبوع .. وسنه .. وسنتين .. وعشرين سنه .. ومتعب للحين ما اشتراه ..

في ذاك الوقت .. اكتشفت ان ( حبل الكذب قصير ) .. وإنهم اذا ماضحكوا علي في اول العيد .. راح يضحكون في اخره ..

وفي عيد آخر ..

كنت جالس عند عيال عمي .. قبل العيد بأسبوع

فجاء عمي الله يرحمه .. واخذنا كلنا .. وفصّل لنا ثياب ..

وأنا كنت مبسوط .. لأن هم على قلبي وانزاح ..

لكن مجرد اني لبسته .. اكتشفت ان ( ميولي نصراويه )

لأن ثوبي ازرق ( يلق لق ) .. والسروال والفنيله صفففففرآآآآآ ..

فكنت اجلس واحاول قدر المستطاع اني ما العب او اني اتحرك .. عشان الخافي ما يبان ..

وفي ذاك العيد ..

عشت المقوله المعروفة ( من برّا الله الله .. ومن جوّا يعلم الله )

وفي عيــد اخر ..

أول مره اسرق في حياتي ..

أخذت من محفظة ابوي 100 ريال ..

لكن للأسف ما قدرت اشتري فيها شي ..

لأني لو شريت .. راح يدري ابوي اني انا اللي سرقته ..

وراح يسأني من وين جبت الفلوس والخ ..

وفي عيد آخر ..

علمني ابوي كيف اذبح الذبيحه ... وكان عمري 12 سنة ..!!؟

وعلى قولته .. ليه نعطي القصّاب فلوس ..حنّا أولى فيها ..

وعلى فكره .. كذبت ذاك اليوم كذبه .. والى يومكم هذا مازلت اكذبها ..

كنت اقول للعيال ..

ليه نودي الذبيحه .. القصاب ..!!؟

يمكن ما يذبحها بطريقة شرعيه .. يمكن يستبدل لحمها .. يمكن في امراض هناك ..

بعدين حنّا بدو .. وش يقولون عنا الناس اذا عطينا المصري ذبيحتنا ..!!؟

أحلى عيد عشته ..

هي متابعة الإفلام والمسلسلات .. في البيت ولحالك ولا عندك احد ..

لا أحد يشغلك ولا احد يسألك .. ولا احد بكلمه يزعلك ..

واذا شفتهم بعدين .. وسألوك وينك ..!؟

قول عند خوالك ..

قول مسافر ..

قول اي شي ..

لأن ما حد مدقق ..

هذا عيدي انا فيما مضى .. وعيدي فيما هو قادم بإذن الله ..

ولا أتوقع في احد عاجبه حالي كذا ..

عشان كذا ..

كل بنت هنــا .. لا تحرمين اختك او بنتك .. من أي شي تبغاه ..

لا تحرمينها من بسمتها .. في نهار العيد ..

اذا صرتي بخيله معها .. في عز فرحتها .. متى تكونين كريمه ..!!؟

اذا شافت فستان ونفسها فيه ..

تخيلي نفسك مكانها .. لو شفتي هذا الفستان ..!!

وكل رجال هنا .. لا تحرم اخوك او ولدك .. اذا طلب شي .. لا تردّه ..لا تحرجه عند خوياه ..

اتركوا هذا اليوم ( استثنائي ) للجميع ..

أنا أول مره كذبت .. وأول مره سرقت .. كان بالعيد ..!!

المفروض في هذا اليوم .. يكون الواحد ( بريئ جدا ) .. ويكون مرتاح نفسيا ..

الأمر الثاني اللي ودي اناقشكم فيه ..

الفقير ماله حق يفرح بالعيد ..!!؟

اليتيم ماله حق يفرح بعد ..!!؟

ليه اليوم وحنّا طالعين من بيوتنا ..

اللي رايح للإستراحة واللي رايح للسوق .. واللي رايح يصلي القيام ..

ليه ما نعطي الهندي عامل النظافه 5 ريال ..

او المرأه اللي تبيع المناديل عند الإشارات .. 5 ريال

أو راعي البقاله اللي دايم نشتري منه .. 5 ريال

أو الهنود اللي يشتغلون في محطات البنزين .. 5 ريال

لاحظوا .. إني اللي ذكرتهم كلهم .. ( يشتغلون ) .. يبغون الرزق .. عشان كذا حنّا نساعدهم .. رواتبهم قليله ومغتربين ..

لكن المتسول .. اللي يبغى الشي يجيه ببلاش .. ( هذا أنا ما أنصح فيه ) ..

واللي يبغى يعطيه هو حر في ماله ..

(اللهم أعطي منفقا خلفا واللهم اعطي ممسكا تلفا )

انا اللي تركني اكتب هذا الموضوع ..

قصيدة قريتها

لكن الشاعر ما عرفه

YouTube - ‫نرجس وكادي‬&lrm;" rel="nofollow" target="_blank">YouTube - ‫نرجس وكادي‬&lrm;

YouTube - ‫نرجس وكادي‬&lrm;" rel="nofollow" target="_blank">YouTube - ‫نرجس وكادي‬&lrm;

أمنية اخيرة ..

اللي له هواية في التصاميم منكم .. ودنا نسوي خلال الأيام هذي اللي تسبق العيد .. حمله صغيرونه كذا ..

لليتامى والفقراء بشعار ..( من حقّهم أن يفرحوا بالعيد .. )

__×_×_×_

منقول

ردوا قيموا ثبتوا اغلقوا ناقشوا سووا الي تبون
اهم شي تكونون فهمتوا قصدي من نقل الموضوع وقصد الكاتب الله يجزاه الخير
وتسوونه
ودي لكم ..

08-09-2010, 06:47 AM

اي والله الله يكون بعونهم
الفقراء محتاجين الى من يواسيهم

ويفرحهم في هذا اليوم العظيم

واللي يعرف يصمم لايبخل يصمم صورة وينشرها
وراح يكسب ان شاء الله منها الاجر

جزاك الله خير ذبحني غلاهم

08-09-2010, 07:08 AM

مشكور خيووووووووووووو صاحب الله يعطيك العافيه

تحياتي وحترامي لك

08-09-2010, 11:39 AM

الله يكون فعونهم

يارب يفتحها عليهم

لاهنتِ ذبحني

08-09-2010, 07:18 PM

جزاك الله كل خير ياذبحني

مررره يحزنون

الله يكون بعونهم يااارب : (

08-09-2010, 07:53 PM

ياقلبي الله يكون ف عونهم
يحزنون من جد
لاهنتي ذبحني غلاهم

09-09-2010, 04:15 AM

مشكورين حبايبي اسعدني توجدكم

تحياتي وحبي لكم

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
طريقة عرض الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

المواضيع المتشابهه
الموضوع	كاتب الموضوع	المنتدى	مشاركات	آخر رد
صيته في كل العالم هذا هو ( الهلالي ) ...... < صوور > ...... الف مبروووووووك	AL king	صدى الملآعب~	8	28-01-2010 06:42 AM
صوره آلبزر آللي نشر آنلفونزآ آلخنآزير	• α̗мσσlτк	صور ~	7	06-12-2009 10:36 PM
[ برنامج ] حصريا : تكلم في المايك بصوت / عجوز / بنت / طفل / شاب / شيبه / باي صوت تريده	ملك الخبر	برٍمجيآت coʍрūтзR~	8	09-05-2009 01:22 AM

الذين يشاهدون محتوى الموضوع الآن : 1 ( الأعضاء 0 والزوار 1)